حــيــرة الــقــرطــاس - منتدى الشعر

السلام عليكم ورحمة الله وبركاته:
أسعد الله أوقاتكم بالخير والمسرات

آمل ان تنال اعجابكم

حــيــرة الــقــرطــــاس







سحابة صيف رعـاده بـرد والاّ المطـر هتـان
تصور لوحة الابـداع لـو محـد(ن) بفاهمهـا
تغيب وترتجل ترحل مع الصورة صدى الحرمان
إذاعينـي تهـل الدمـع فـي حـزّة مسالمـهـا
حنين وسلوت الفكره غدت شعره علـى بركـان
صمد وجه الزمان ألّلي كثيـرات(ن) محازمهـا
كذا هي فكرة الشاعر على صوت الامل حنّـان
لوّنه ما عـرف صمـت السنيـن ولا معالمهـا
أنا ماخذ عهـد لأن الزمـان بصورتـه خـوان
ولوّ اني رضيـت النـاس مـن يقـدر يليمهـا
نهار(ن) يستر العريـان ولبسـهِ الغنـاء ألـوان
طبولـه لـو يطبلهـا المطبـل مـا يترجمـهـا
يقول أنه حسب عرفه تعـدى ذكـره السلطـان
وهـو فـي زاويـة بقعـا ومـن بقعـا يلقمهـا
على خط القلم نقطة ونقطـة تخلـف الاوطـان
محيط الارض عرض وطول من يقـدر يقسمهـا
قهر ضعف ومذله شـذب واستنكـار واستبيـان
محاضر والمحاضر في النهايـة فـي قمايمهـا
جيوش(ن) تضرب بصدري وعقلي مسرح القيفان
غدت في دنيتي واقـع شريـف القـوم خادمهـا
دموعه دم فـي عينـه وقلبـه يشتعـل نيـران
على وكر الحرار أللّي غدا فـي عيـن شاتمهـا
تعبت ولا تعبت أكتب على هم الـورق عنـوان
أدور فالسطـور المظلمـة وآخــذ وأكلمـهـا
على مسمع صدى صوتي تكسر فالخفوق ألحـان
تثير الصمت في وقت الكلام أسلوب نـا ظمهـا
أعرف أن البحر مالح ولاكنه حـوى المرجـان
عقـول النـاس فالواقـع جواهرهـا تقيمـهـا
أنـا ماجيـت أدور فالزمـان لزلـة الانـسـان
ولا عوّدت نفسـي للعلـوم ألّلـي مـا حشمهـا
أقيس الدرب بعيوني وأدور فـي علـو الشـان
تعلمـت الحيـاه أدروس والعبـره خواتمـهـا
كذا طبعـي وأذا طبعـي يغيـر واقـع الكتمـان
أبرسم في خيـوط الشمـس عزتهـا ومبسمهـا
بغيت أوضح الفكره لوني فـي الامـل عطشـان
وزادت حيـرة القرطـاس والمحبـار كاتمـهـا



وسلامتكم